| పేరు (ఆంగ్లం) | Adivi Bapiraju |
| పేరు (తెలుగు) | అడివి బాపిరాజు |
| కలం పేరు | – |
| తల్లిపేరు | సుబ్బమ్మ |
| తండ్రి పేరు | కృష్ణయ్య |
| జీవిత భాగస్వామి పేరు | – |
| పుట్టినతేదీ | అక్టోబరు 8, 1895 |
| మరణం | సెప్టెంబరు 22, 1952 |
| పుట్టిన ఊరు | పశ్చిమ గోదావరి జిల్లా లోని భీమవరం |
| విద్యార్హతలు | భీమవరం హైస్కూలులో చదివి, రాజమండ్రి ఆర్ట్స్ కాలేజ్ లో బి.ఏ చదివి, మద్రాస్ లా కాలేజ్ లో బి.ఎల్ |
| వృత్తి | కొంతకాలం న్యాయవాద వృత్తి |
| తెలిసిన ఇతర భాషలు | – |
| చిరునామా | – |
| ఈ-మెయిల్ | – |
| ఫోను | – |
| వెబ్ సైటు / బ్లాగు పేరు, లంకె | – |
| స్వీయ రచనలు | నారాయణరావు (1934) – సాంఘికం, తుఫాను (1945) – సాంఘికం, గోనగన్నారెడ్డి (1945) – చారిత్రకం, కోనంగి (1946)- సాంఘికం,హిమబిందు (నవల) – చారిత్రకం, అడవి శాంతిశ్రీ – చారిత్రకం, అంశుమతి – చారిత్రకం, నరుడు (1946 ) – సాంఘికం, జాజిమల్లి (1951) – సాంఘికం, మధురవాణి (అసంపూర్ణం, పూరణ – దిట్టకవి శ్యామలా దేవి), శిలారథం (అసంపూరణం), కైలాసేశ్వరుడు (అసంపూర్ణం), రేడియో నాటికలు: దుక్కిటెద్దులు, ఉషాసుందరి, భోగీరలోయ, నారాయణరావు, శైలబాల, పారిజాతం, నవోదయం ఏరువాక కథాసంపుటాలు: తరంగిణి[1] – 7 కథల సంపుటి, రాగమాలిక[2] – 9 కథల సంపుటి, అంజలి – 6 కథల సంపుటి, తూలికా నృత్యం – 3 కథల సంపుటి, భోగీర లోయ – 6 కథల సంపుటి, వింధ్యాచలం – 4 కథల సంపుటి, ప్రసిద్ధి చెందిన కథలు, తూలికా నృత్యం, హంపి శిథిలాలు శైలబాల,వీణ, నాగలి, నేలతల్లి, బొమ్మలరాణి దర్శకత్వం వహించిన సినిమాలు: మీరాబాయి, అనసూయ, ధ్రువ విజయం, పల్నాటి యుద్ధం |
| ఇతర రచనలు | – |
| ఈ-పుస్తకాల వివరాలు | – |
| పొందిన బిరుదులు / అవార్డులు | నారాయణరావుకు ఆంధ్ర విశ్వకళా పరిషత్ అవార్డు లభించింది. |
| ఇతర వివరాలు | 1944లో హైదరాబాదు నుండి వెలువడే తెలుగు దినపత్రిక మీజాన్ సంపాదకునిగా పని చేశాడు. తరువాత విజయవాడ ఆకాశవాణి రేడియో కేంద్రంలో సలహాదారునిగా ఉన్నాడు. ‘నవ్య సాహిత్య పరిషత్’ స్థాపించినవారిలో బాపిరాజు ఒకడు. చిత్రకళను నేర్పడానికి గుంటూరులో ఒక ఫౌండేషన్ ప్రారంభించాడు. |
| స్ఫూర్తి | – |
| నమూనా రచన శీర్షిక | అడివి బాపిరాజు |
| సంగ్రహ నమూనా రచన | ఓ ప్రభూ నువ్వు ఎన్ని రూపాలుగా ఎన్ని భావాలుగా ఎన్ని బ్రతుకులుగా వస్తావు ? ఏనాటికానాడు ఏదో విస్తుపోతుంటాను . |
అడివి బాపిరాజు
పచ్చగడ్డి పూల పళ్ళెము
1
ఓ ప్రభూ నువ్వు
ఎన్ని రూపాలుగా
ఎన్ని భావాలుగా
ఎన్ని బ్రతుకులుగా
వస్తావు ?
ఏనాటికానాడు
ఏదో విస్తుపోతుంటాను .
*
2
వీడు కవీ వాడు కవీ
వాడు కవీ
ఎవరో కాదని
మేము తీర్పులు తీరుస్తాం
కవి అంటే ఒక కులము వాడో మతం వాడో
ఒక జాతి వాడో మనుష్యుడో , దేవతో ?
*
3
ఎన్ని ఇజమ్ లూ
ఎన్ని వెఱ్రిలూ ….
…..వెఱ్రి వాడంటాడు
తన కే వెఱ్రి లేదని
*
4
ఓ బీదవాడా !
ఓ కూలివాడా !
ఓ పాలివాడా
నిన్నుద్ధరించడానికి
మిన్ను నుంచి ఊడి పడ్డ
దేవతలము మేము
……మమ్మల్నుద్ధరించుకోలేని
దద్దమ్మలం
*
5
మోదవాకం ఆస్పత్రిలో
మహా కవులున్నారు .
సర్ రియలిజం వాళ్ళు
అక్కడ పాఠాలు నేర్చుకోవాలి
*
6
వెలుగు కొంచెం చీకటి ఎక్కువ
చీకటిలో ఉంటూ
వెలుగు కావాలనడం
అన్నాచురలా , న్యాచురలా ?
*
7.
కవిత్వం అంటే గుండెట
కవిత్వం అంటే ఫీలింగట
పై కవిత్వం ఎందుకు
నాకు ఉందిగా
ఫీలింగ్ ఫీల్ అవు
అదే కవిత్వం అదే రంగుల బొమ్మ
డాన్సూ , సంగీతమూ .
*
8.
అనంత నీలాకాశంలో
ఒక్కటే తెల్లని పెద్ద కొంగ
తెల్లని పెద్ద రెక్కలు చాచి
తేలిపోతూ ఉంది .
ఆ అనంత జీవితంలో
నల్లని కాలంలో
నేనొక్కన్నే అంతదొరకని యాత్ర .
*
9.
మా అమ్మాయిలిద్దరూ
బొమ్మ సామాన్లూ
కమ్మని తాయిలాలూ పెట్టి
జీవిత నాటకం ఆడుతున్నారు .
అసలు జీవిత నాటకమూ
అందులోని బాధలూ
వాళ్లకేం తెలుసు !
జీవితం వెనకాలే
చిద్రూపంగా వచ్చే
ఆనందమే వాళ్ళ
ఆటా పాటానా ?
*
10.
రాత్రిలో పవలు ఏదీ అని !
పవలులో రాత్రి ఏదీ అని
వెలుగు నీడలా పొలిమేరలో
జిలుగు రూపంలో నిలిచిన
అవ్యక్త ప్రసన్న మూర్తి
హాసంతోనే నిలబడి ఉన్నది .
నిలిచి రెండూ చూచే వారేరీ !?
*
11.
కాంక్షలు కాంక్షలే
కలలు కలలే
కఠిన జీవితం మాత్రం
గర్భ నిర్భేద్యం
*
12 .
అఱ్ఱులు చాచి అందుకోని
ఆ అస్పష్ట సౌందర్య మూర్తీ !
ఆవలిస్తూ అధివసించి ఉన్న
ఈ వికృత మూర్తీ
నడుముగా నిలిచిన
తొడిమ విడిపోయిన పూవూలా అనాధ బాలిక
*
రచన :అడివి బాపిరాజు
సేకరణ : అడివి బాపిరాజు సమగ్ర కవితా సంకలనం నుంచి ……
———–
