ములుగు పాపయారాధ్యులు

శ్రీ
పరమశివానంద లీలలు
ప్రధమాశ్వాసము
శ్రీ పరమశివానందుడు
దాపయి సుగుణంబు శుభము ధన సంపదయున్
రేపులు మాపులు నొసగెడు
నాపక కోటార్యశరభ యార్యుల కెపుడున్ .

వ. శ్రీమదఖిలాండ కోటి బ్రహ్మాండ నాయకుండును , సమస్త చరాచర జీవలకును శాస్త్రయునై , జగన్నాటక సూత్రధారుండగు శ్రీ పరమ శివానంద లీలా చరితంబు నకుం గధాక్రమం బెట్టిదనిన

ఉ . శ్రీల జెలంగు మా తెలుగు సీమకు గర్భము చంద్ర వంశ భూ
పాలుడు పార్ధు డా నరుడు భక్తితపంబులు పండ వీరుడై
ఫాలవిలోచనుం గెలిచి పాశుపతంబును గొన్న పౌరుషా
స్ఫాలన భూమి యా విజయవాడ వెలుంగు జగద్ధితంబుగాన్ .

ఉ .భక్తిని భారమెల్ల భగవంతునిదే యయినట్లు భూరిదో
శ్శక్తిని బౌరషేయ మన సర్వము దోచగ జేయు భంగి ద
ద్భక్తియు బౌరుషంబు జత బారిన పున్నెపు మేటి భూమిగా
రక్తిని మల్లికార్జునుడు రాజిలు నప్పురి హేమ దుర్గ తోన్ .

ఉ.ఎంతటి భక్త వత్సలుడొ యింద్రతనూజుని పేరా బట్నమున్
సంతత మీ ప్రపంచమున జల్లగ వెల్గెడునట్లు చేసి క
ల్పాంతము బారదు పౌరుషము నాకస మందగ నిల్పెనంత మా
కింత యుదంత మిచ్చె పరమేశుడు లీలల వ్రాయ నిచ్చుచున్ .

క . శ్రీ దుర్గామల్లేశ్వరు , లదరమున నాటనుండి యాంధ్రుల నిధులై
మోదము భక్తుల కొసగెడు , స్వాదువుగను నిద్ర కీల సదనము నందున్ .

ఉ .ఆగిరిపాద సన్నిధి దిగంతములందలి పుణ్య సంపదల్
డాగొని వచ్చి కృష్ణ నిజతత్వ మహత్త్వ ముతోడ నిల్పగాన్
దోగుచు స్వాగతమ్మొసగి ధూర్తులు గూడను సత్త్వ భావులై
యా గిరి కన్య శంకరు న హర్నిశలున్ భజియింతు భక్తి మై .
వ . అంతియ కాక యా కృష్ణా స్రవంతి ,

మ . తన పూతాంబువు లాత్మమండలమున్ దారుల్ గొనం భ్రీతయై
తన పుణ్యంబుల వారి వెం టనుపుచున్ ధాన్యస్వరూపంబున్
మనసా ప్పారగనిచ్చు బిడ్డలకు దా మాన్యంబులన్ వార లీ
శునకుం బ్రాలను నోగిరంబిడ సదా శోభించు సంతృప్తితోన్.

ఉ . భక్తిని సంధ్యలన్ జనులు భావసుమమ్ముల మాలగ్రుచ్చి యా
సక్తి నొసంగ బొంగి శుభ సౌఖ్యము లిచ్చి యకార్య భారముల్
నక్తములందు బట్టణమునన్ దరి జేరగనీక తత్ర్ప్రు జల్
రక్తి జెలంగ జాల నను రక్తినిన్ బ్రోచును దుర్గ సర్వదా !

ఉ . పూత మనస్సు పాత్రలను ఋణ్యజలంబుల బౌ రులా భవున్
స్నాతుని జేయగా బవలు సంతసమంది యతండు బావపున్
భీతి తొలంగి సంపదల వృద్దిని బొంది పరస్పరమ్ము సం
ప్రీతి బ్రజల్ మెలంగగ వివేక మొసంగి సతంబు నో మెడిన్ .

వ . ఇవ్విదంబున శ్రీ దుర్గా మల్లేశ్వరు లవ్విజయవాడ రక్షించుచు శుభంబులొసంగుచుం

శా . ప్రాతస్సంధ్య ధునీజలంబుల వడిన్ బాపంబు వోనాడుచున్
భూ తేశున్ స్వభిషిక్తు జేసికొనుచున్ ఋణ్యాన మధ్యాహ్నమున్
మాతన్ బూజలు సేసి సంపదలతో మర్యాద సాయంతనం
బా తీరస్థులు సంతసిల్లుదురు తా మా స్తిక్య భావంబులన్ .

మ . ద్విజభక్తిన్ గడు నారి తేరి ఘనులై తేజంబు పెంపొందగా
ద్విజధర్మంబున వెల్గు నిష్ఠపరులై ధీరుల్ మహో దారులై
సుజనత్వం బది వృద్ధి నొంద విధి స త్సూక్తుల్ విచారించి య
ద్రిజరూపాంతర గన్యకాంబ నతి భక్తిన్ గొల్తు రవ్వైశ్యులన్ .

ఉ . బొబ్బిలి వారి పౌరుషము బూనుదురో ! యది యేల మాకటం
చిబ్బడి యౌదురో తెలియ నేలొకో ! యాంధ్రుల పూర్వరక్తమే
యుబ్బుచునుండి మాటి కని నోర్చెడి శక్తియు నున్న భక్తితో
నబ్బ ! యనంగ నుందురట నన్న గరింగల తక్కు వారలున్

ఉ . తీరిక లేక వారి పని తీరులనున్నను ధర్మమన్నచో
బేరము లాపియైనను గు బేరులెయైనను వర్తకుల్ సదా
వారక వింద్రు చేతురు , శుభంబగు వారికి దాన నెందు సం
బారము నిండుకుండయగు వచ్చిన బోయిన గర్వు లుండినన్.
వ . ఇట్లాస్తిక్యభావంబుల నలరారు పౌర బృందసంశోభితంబగు నప్పురంబు .
చ . సురపురి మించునో యనిన చోద్యమదేలను చంద్రశేఖరున్
దరిసేనముం బొనర్పజని తద్దయు భక్తిని దేవదానవుల్
వరుసగ వారి సంపదలు భవ్య విధిం గొని తెచ్చి వేగ ద
ద్గిరిని వసింప నెంతు రట దృశ్యము కేవల మబ్ర మైచనన్

ఉ . కాంచన చేలుడున్ జెలియ గాంచగ రాడొకొ వచ్చునప్డు తా
గొంచెపు రీతి వచ్చునొకొ కూరిమి సోదరు జంద్రు జూడగా
నెంచదొ లక్ష్మి తా మనుగ మించరె ధాతయు వాణి యుందుచే
మించదె సర్వ లోకము మేదిని నున్నను నప్పురంబెటుల్ .

వ . అంతియె కాక .

ఉ . “ఆపురి బాయకుండు మకరాంక శశాంక మనోజ్ఞమూర్తి “ యం
చే పుడమీసురుండొ వచియించెను , నిక్కమో ! కాదొ ! కాని యా
హా ! పస బాయకుంద్రు మకరాంక శశాంక మనోజ్ఞమూర్తి లెం
దీపురి బార్వతీరమణి కిందుధ రేశు ప్రయోజనార్ధమై .

వ . అప్పరమేశ్వరీ పరమేశ్వరు లారిగికందరంబున సంసరణంబున నుండ .

ఉ . ఆ గిరికందరంబున విహంగమరావము కృష్ణతీరమం
దూగెడి కాశ నిస్వనము లోమ్మను రీతి బ్రతిధ్వనింపగా
వాగధినాధుడున్ శ్రుతుల బల్కు చునుండెడి సామగానమై
సాగుచు జంద్ర మౌళి కట సంతసమున్ గడుగూర్చుచుండెడిన్ .

వ. మఱియు

శా . ధ్యేయుండైన మహేశు నాలయమున్ దివ్యంబుగా మ్రోయు ఘం
టాయోగౌంకృతి దుష్ట మానసములన్ టాంటా మ్మనన్ మ్రోగుచున్
గాయమ్మున్ ఘన పాపభీతి వడిగా గావించు విజ్ఞానికిన్
సాయంబిచ్చును నాదరూప ఘనునిన్ సాధించి చేపట్టగన్ .
శా . భాంకారంబులు ఘంటికారవములున్ బాలేందుమౌ ళీశ్వరున్
ఓంకారంబుల స్తోత్రముల్ సలుపగా నోహో నరుండే ధను
ష్టాంకారం బొనరించుచుండె నొక వ్రేటన్ బోడు తధ్య మ్మిదే
ఢంకా కొట్టె దమందు బాలు రట నాడన్ వింత సంధి ల్లెడిన్
వ . ఈ రీతి నున్నయా పట్టణంబున .

రచన :ములుగు పాపయారాధ్యులు
సేకరణ : శ్రీదేవి భాగవతము నుంచి ……

———–