జయంతి భావనారాయణ

జయంతి భావనారాయణ తూర్పుగోదావరి జిల్లా, మోడేకుర్రు గ్రామంలో 1867లో ఒక పేద వైదిక బ్రాహ్మణ కుటుంబంలో జన్మించారు. ఈయన తండ్రిపేరు రామయ్య. తల్లి పేరు వెంకమ్మ. స్వగ్రామంలో సంప్రదాయ విద్యను గడించి అమలాపురం పట్టణంలో మేనమామ వద్దకు చేరి ఆంగ్లవిద్యను నేర్చుకున్నారు. మేనమామ వద్ద ఆంగ్లంతో పాటుగా సంగీతం, నాటకాలలో మెలకువలు నేర్చుకున్నారు. ఈయన చిన్నతనంలోనే తండ్రిని, మేనమామను పోగొట్టుకున్నారు. బ్రతుకుతెరువు కోసం కాకినాడ వెళ్లి అక్కడ ఒక పాఠశాల స్థాపించి పిల్లలకు ఇంగ్లీషు చెప్పేవారు. తరువాత కోగంటి నరసింహాచార్యులు నడిపే పాఠశాలలో తన పాఠశాలను విలీనం చేసి ఇద్దరూ కలిసి కష్టపడి స్కూలును వృద్ధిలోనికి తీసుకువచ్చారు. ఈయన 1887లో చల్లా కామయ్య కుమార్తె శేషమ్మను వివాహం చేసుకున్నారు. జయంతి భావనారాయణ అనేక నాటకాలను వ్రాసి దానిలో నటించేవారు. నాటకాల కంపెనీతో తగాదా పడి కోర్టుకు వెళ్లవలసి రావడంతో 1890లో నాటకాలలో నటించడం మానివేశారు. 1895లో పట్టభద్రుడై జగన్నాథపురం లోయర్ సెకండరీ పాఠశాలలో ఆంధ్రోపాధ్యాయుడిగా చేరారు. తరువాతి కాలంలో ఈయన పిఠాపురం మహరాజా కళాశాలలో పండితునిగా పనిచేశారు.ఈయన 1917లో పరమపదించారు.

———–