దేవులపల్లి సుబ్బరాయ శాస్త్రి (నమూనా రచన )

శ్రీరస్తు.

శుభమస్తు.

అవిఘ్నమస్తు .

శ్రీగణాధిపతయేనమః.

శ్రీ సరస్వతీ దేవ్యై నమః.

శ్రీ హయ గ్రీవాయ నమోనమః.

శ్రీ మహేంద్ర విజయము

ఇష్ట దేవతాస్తుతి

***

  శ్రీ రంజిల్లనొనర్చు గావుత శిలా జీవ ప్రదానప్రధా

  ధౌరం ధర్యము గాంచి దారుశకల ద్వంద్వంబునుం  బాదుకా

  కారం బూని భజింప భూ భరణభాగ్య స్ఫూర్తి గల్పించు సీ

 తారామం ఘ్రియుగంబుమాకు ససుఖోదారాయురైశ్వర్యముల్ .  1

చ . వసుధ జనించి యాజనక వంశము నయ్యినవంశ మింపు సొం

   పెసగ సమున్న తత్వము వహింపగ  మించిన సీత శీత దృ

  క్ప్రసరణము ల్సుధారసపరంపరలై యల రారు  గాత నే

      డసదృశదోహదస్ఫురణ  నస్మదభీష్టలతాఫలాప్తికి .                 2

శా . శ్రీనర్దిల్లగ జేయు గావుత జటా శ్రేణీమిథోబంధరే

     ఖావిశ్లేష  మొనర్ప  స్వర్ణది  తరంగ వ్యాజ హస్తంబుచే

  ఠీవిం జొన్పిదంతకంకతముమాడ్కి  న్మౌళి లేజల్వడా

  ల్పూవుం దాల్చిన శంకరుం డెపుడు సమ్మోదం బెదం గ్రమ్మగన్.    3

ఉ . స్నానజలంబు ధౌతవసనం  బను లేపన మోగిరంబు దా

     నే నెఱీ గూర్చి నాధు  నెనయించునొ  పెండిలి కూతురంచు సం            

  వ్యాసము బూని యవ్వరుని యవ్వ నటంచు నటించు భ్రుంగి  చం

   దానకు  నెచ్చెలుల్ నగిన నవ్వెడు శాంకరి మమ్ము బ్రోవుతన్ .   4

  చ . అనుపమ మైన యాత్మ చతురానన రూడికి దోడు సత్యన

      ర్తనము  మెఱుoగువెట్ట విబుధప్రకరంబుల కెల్ల బెద్దయై

  మనుమని  నన్గళా కలన మానితు జేసిన సద్ద యార్ద్రహృ

      ద్వనరుహుడౌ  మహా మహు బితామహుని న్నుతియింతు  నెంతయున్   5

శా .  శ్రీపూర్ణాకృతి ముక్తి సౌధచతురంఘ్రి స్ఫాటిక స్థంభశో

   భా పీఠీకృత శాతమన్యవశిలా భాస్వత్ఖురోద్య ద్రజ

      శ్శ్రీ పేర్మిం  బురుషార్ధ పాళి నిడ నా శ్రీ ధేనువాగీశ్వరీ

  రూపం బూని తనర్చు వాణి సమకూర్చు న్మాకు వాగున్నతుల్ .       6

సి . కలుము లీ నోపడే కమాలాప్త ప్తసుత రాజ్య

                 సంఘటనోపాయ చతుర మంత్రి

      యిష్టార్ధము  లోసంగడే  జానకీ రాఘ

               వాన్యోన్యకుశల వార్తై కదూత

   చిరతరాయు ర్వృద్ధి  జేయు  జాలండె ల

                   క్ష్మణజీనదాభిషగ్వరుండు

  కళల నీ నేరడే  ఘనమౌని సంపూర్ణ

                   రామసభైక పౌరాణికుండు

తే .గీ . పాననాకృతి శైవాంశ భవుడు శ్రీహ

         రిస్వగూపుడు  భావివిరించనుండు

     నిరవధిక కీర్తియగు నాంజనేయమూర్తి

       తత్ప్రసేవనములు  జగత్పావనములు .

సి .ప్రవితత ప్రత్యూహ పవమానగిళన  దు

             ర్వారతుం డాజగరంబు వాడు

బహుళాంతరాయ పర్వత విని ర్భేదన

             ఫ్రౌడైకదంత వజ్రంబు వాడు

పటు విఘ్నగణ  తుష వ్రజసముద్ధూరనన

         ద్రాఘిష్ఠకర్ణ  శూర్పములవాడు

 ఘనతరాతంకపంకక్షాళనపటిష్ఠ

     కటతల దానోదాకంబువాడు 

తే .గీ . భూరి పుష్కర పూత్కార వారికల్పి

         తాసమయవర్ష సిక్త రౌష్యద్ర్యుపత్య

      కాత టో త్ఖా త కేలి సం ప్రీతి వాడు

         సిద్ధిగణనాధు దిష్టాప్తిజేయు గాత   . 8

మ . కవనా ఖ్యే క్షువణంబు నాటి జగతిం గాండోన్నతిం  బెంచి ప

      ర్వవితానస్థితి సంఘటించి  రససంపన్మాధురీ  సాధురీ

  తివి శేషంబు రసజ్ఞ  జాలమునకుం దెలల్లంబుగా గూర్చి

   రవముం  జెందిన భక్తి దలతుం బ్రాచేతస వ్యాసులన్

కం . నన్నయభరిత మనోజ్ఞక

   నన్నయ భావ్యోక్తిగా నొనర్చును గృపచే

   నన్నయభయ ధృతిమతితో

   నన్నయ   భట్టాదికవిజనంబు  నుతింతున్.           10

మ . తమ కావ్యాదుల సత్కవుల్ “గుకవినిందం జేసి” యం చొక్కా భా

   గము గల్పించి రకారణంబు యది నిష్కారుణ్యమాత్సర్యభా

  వమో కా కాఘను లుండకున్న నల దేవానాంప్రియ శ్రేణి కె

ట్లమరుం  గీర్తివిశే పూర్తి  యిల గావ్యాసార పూరోత్థమై .    11

కం . అని యిష్టదేవతావం

   దన ముఖకావ్యముఖ లక్షణంబుల  నెల్లం

  బొనరించి యెద్దియే నొక

   వనమాలి క్షేత్ర మహిమ వర్ణించుటకై .                     12

కం . ఊహల కనుగతిగా గౌ

  తూహల మెద  మెదల భక్తిదోహలహితసం

     దోహలలితానుమతి ను

త్సాహల సచ్చక్తి  పూర్ణతా హాలాహలికన్.          13 

కం . ఏనానిం గృతిపతిగా

       భావింతునొ  యెట్టి దివ్యభవ్య క్షేత్ర

       శ్రీవర్ణ్యమొ  యని యోజన

       కావించుచునుండి  యే నొకానొక రజనిన్      14 

సి . శ్రీజానకీ దేవి చెలగు వామాంక భా

             గముతో నిరాభారిగముల తోడ

      నాంజనేయాంజలిన్య స్తమౌ శప్తమౌ

               పదముతో నదిక సమ్మదముతోడ

  వెనుక సౌమిత్రి  వట్టినయట్టిహురుమంజి

           గొడుగుతో నపరంజిమడుగుతోడ

    భరతశత్రుఘ్నులునురటులూనినపార్శ్వ 

                 యుగముతో జిఱునవ్వు  మొగముతోడ

తే .గీ . గరములు మొగుడ్చునృపులతో  గవులతోడ

         బ్రేమరసపూర్తి  బట్టాభిరామమూర్తి

         పుష్పకాంతరవర్తియై  పూర్వపుణ్య 

         కలన  నా మ్రోల నిలచినట్టుల  దలంచి .        15

రచన :  దేవులపల్లి సుబ్బరాయ శాస్త్రి

 ———–