పూసల వీర వెంకటేశ్వరరావు

పూసల వీర వెంకటేశ్వరరావు ప్రముఖ సినిమా రచయిత మరియు దర్శకుడు.ఆయన 1941 విజయదశమి రోజున అన్నపూర్ణమ్మ,రామయ్య దంపతులకు జన్మించారు. ఆయన బి.ఎ, ఎల్.ఎల్.బి, పి.జి.డి.ఎల్ విద్యార్హతలు పొందారు. ఆయన రాంగస్థల ప్రవేశాన్ని 1956కీ బాలనటునిగా ప్రారంభించారు.కార్మిక శాఖలో ప్రభుత్వోద్యోగం చేసారు. 1960 నుండి రంగస్థల రచయితగా తన ప్రస్థానాన్ని ప్రారంభించారు. 1968 నుండి సినీమా కథా రచన ప్రారంభించారు.
రచయితగా 64 కథలు రచించిన ఆయన ‘డాలర్ కి మరో వైపు’ సినిమాతో దర్శకుడిగా పరిచయమయ్యారు. చదువుకునే రోజుల నుండి నాటకరంగంపై పూసలకు మంచి పట్టుంది. ఆయన రచించిన, నటించిన ‘మండువ లోగిలి’ నాటకానికి బళ్లారి రాఘవ అవార్డుతో పాటు పలు అవార్డులు అందుకున్నారు. నటుడు జయప్రకాష్‌రెడ్డి ఏకపాత్రాభినయం చేసిన అలెగ్జాండర్ నాటకానికి పూసల దర్శకత్వం వహించారు. ఈ నాటకానికి పలువురి ప్రశంసలు లభించాయి.

———–